पौगंडावस्थेत आईचं शिस्त लावणं, कामं सांगणं अगदी नको असत तिला. मग सारखी चिडचिड आणि वाद होतात तिचे आईबरोबर.... तारुण्याची वाटचाल मात्र तिच्या नजरेखालून असते.... मात्र सासरी जाताना खरी आई कळते!
'आई' तिच्या मनातली!
जेव्हा ती सोबत असते
तिची किम्मत नसते.....
तिच्या सूचना.....कामे सांगणे...
अगदी नको वाटते!
'किती ग तेच तेच सांगशील?
आता मी मोठी झाले... थोडं थांबशील?'
शिकणार आहे ग घरातली कामं
थोड मला भटकू तर दे...
तुझं ऐकतेच आहे;
पण हवं तसं जगु तर दे...
ए मैत्रिणीचा वाढ दिवस आहे,
गिफ्ट काय देऊ?
तू किती ग ओल्ड फॅशन्ड...
मी थोडा शॉर्ट ड्रेस घेऊ?
पण तिची आयुष्यातली गरज
संपलेली नसते...
ए बाबांना पटवशिल?
हो म्हणायला सांगशील?
रात्रि थोssडा उशीर होईल...
तू सांभाळून घेशील?
ऐक न... त्याने मला विचारलंय;
चिडवू नकोस हंं... पण मला ते आवडलंय!
हो ग बाई... सांगते सगळं...
तू चौकशी कर मगच जाते पुढं...
ए एखादा स्पेशल पदार्थ शिकव न मला
त्याला आवडेल आणि मला जमेल
असाच सांग ह जरा.....
अग.. साडी कशी नेसू?
प्लीज.. आज सगळ मीच आवरू?
तो येणारे... त्याच्या मनासारखं करू?
मी हौसेने सगळ करत असते...
ती मात्र लक्ष ठेउन असते;
हळूच गालात ती हसते..
अन मनात माझ्या कळी उमलते!
ए बाबांना सांगायचंय... मदत कर न...
ते रागावतील? त्यांना समजाव न...
तो आणि त्याच्या घरचे चांगले आहेत;
लग्न त्याच्याशिच करायचंय.. हे मनात पक्क आहे;
बाबांकडून 'हो', म्हणून घ्यायचंय....
अगोदरच सांगते तुला सगळं सांभाळून घ्यायचंय!
माझ लग्न मी एन्जॉय करते...
ती हसताना हळुच डोळे टिपते....
सासरी जात असताना...
तुझी किंमत कळलीय ग....
'अहो आई' चांगल्याच असतात....
पण 'ए आई' ची गोडी तुझ्या कुशीत शिरुनच ग!
Khup chaan Kavita. Aaichya manaatali bhavana khup sundar explain keli aahe. Khupach mast.
ReplyDeleteKhupach chaan lihiles, Karachi Said chi univa Suun zalyavarch kalte.
ReplyDeleteHow you are in real life that's what reflect in your poem....a sensible and sensitive mother...hats off to you...mother is a most respectable one this entire world...once again hats off to you....🙏
ReplyDeletekiti chaan kavita ahe....khoopach masta.
ReplyDeleteSmita Tawde
very nice
ReplyDelete